Det var flotte forhold og super innsats av HIL-utøvarane under krinsrenna i Vik i helga. Under fellsstarten laurdag vann Otto Femsteinevik og Katarina Aarseth i sine klassar og vart krinsmeistrar. Guro Femsteinevik vann sprinten i klassen J 12år. På sprinten søndag vann Anders Rød (G12), Guro Femsteinevik (J12), Eirik Hjartnes (G14), Otto Femsteinevik (G15), Katarina Aarseth (J16) og Erlend Solvang (G16). Strålande!
Det vart også mange flotte 2.plassar i helga; Marcus L Andreassen (G11), Kristi S Gjelland (J12), Kristoffer H Rød (G12), Hedda S Kåsa (J14), Eirik Hjartnes (G14) og Maria H Rød (J15).
I tillegg til dette vart det 3.plass til desse løparane: Thomas Aarseth (G12), Håvard Bjørndal (G16), Erlend Solvang (G16) og Øyvind Halvorsen (G14) som fekk to 3.plassar denne helga.
Thomas Aarseth, Maria Haugse Rød, Ragnhild Femsteinevik, Trygve Vangsnes, Guro Femsteinevik og Katarina Aarseth vann også alle diamant for fulle hus. Gratulerer til alle!
Trenarane for utøvarane i Gruppa 13-16 år er svært nøgd med at alle deira løparar var på pallen søndag. Det vart mange viktige cup-poeng til HIL-løparane denne helga.
HIL er stolte av at me stiller med heile 25 spreke utøvarar frå 8-22 år i VIK. Nybegynnarane er fantastisk spreke og gjekk flotte løp.
Juniorane gjorde også strålande løp: Ragnhild Femsteinevik (K 20-21) vann begge sine løp i helga, bror Martin Femsteinevik var aleine i klassen M Senior og imponerte med 19 treff under fellesstarten laurdag. Trygve Vangsnes skaut to fulle hus søndag og fekk diamant for dette,  og Embrik Børresen gjekk inn til 3.plass på sprinten søndag.
Dei fleste utøvarane frå HIL budde på Blix Hotell i sentrum av Vik, og tradisjonen tru var det taco-middag for alle laurdag kveld. Det er sosialt og kjekt å reise på tur med denne fine gjengen!
Sjå alle resultat på VIK IL si heimeside: http://www.vikil.no/