Det vart strålande HIL-resultat under Norgescupen i Markane i Stryn i helga. Martin Femsteinevik gjekk inn til ein sterk 2.plass på normalen laurdag (skyteresultat: 0-1-1-0). Bjarte Solvang skaut to fulle hus, gjekk raskt i sporet og klarde ein flott 3.plass under sprinten søndag.  Begge går i seniorklassen. HIL gratulerer med flotte prestasjonar! Det var gode HIL-løp også i juniorklassane: Ingvild Berlandstveit skaut 17 treff på normalen og kom inn på ein fin 10.plass i klassen K 20-21. Ingri Hovland skaut 15 treff og klarde 26.plassen i K 17. Trygve Vangsnes skaut også svært godt. Med 17.treff laurdag gjekk han inn til ein 37.plass i den store og sterke klassen Menn 20-21. Godt jobba! Neste Norgescup går i Mo i Rana 5.-7.februar. Me ynskjer alle lykke til vidare i sesongen!